Garau garau

To uwargida, da farko ki gyara wakenki ki wanke ki zuba a tukunya ki dora a wuta.
Idan kin duba waken ya kusa nuna sai ki wanke shinkafarki tas, sannan ki zuba a kan waken sai ki sa gishiri ki rufe.

Sai ki dauko salat dinki ki wanke da gishiri, sannan ki yanka, ki wanke tumatir da albasa suma ki yanka ki ajiye a gefe.

Sai ki duba Idan shinkafarki tadahu sai ki sauke.
Ki soya man gyada da albasa.

Sai ki zuba a kula ko a filet ki sa manki, da su salat, da maggi, da yajinki sannan a ci.