A yayyanka kaza yankan daidai ba manya ba kuma ba kana na ba. Sannan a wanke da lemon tsami sosai a tabbar karnin ya fita a tsane da kwalanda sai a juye a tukunya.
A yayyanka albasa a zuba akai, a raba karamin lemon tsami ma a saka akai sai a Dora akan wuta
A zuba spices cokali daya akai
A zuba curry cokali 2
A zuba dakakkiyar citta cokali 1
Sannan a zuba Maggie daidai dandano
A jajjaga tafarnuwa a zuba akai Idan ana bukata, sannan a juya a rufe ya dahuwa sama sama, bayan ya dahuwa sai a tsane a kwalanda.
A raba kazar gida biyu sannan a Dora mai a yayyanka albasa Idan yayi zafi sai a zuba Rabin kazar a ciki a soyata har sai ta zama ruwan Zuma sai a kwashe.
Sannan a dauko ruwan tafashen naman a raba shi biyu, a dau rabin a zuba jajjagaggen attaruhu da albasa a ciki a saka curry Rabin cokali spices ma Rabin cokali, sannan a zuba mai Dan daidai a Dora akan wuta, Idan ya tafasa sai a kara Magi a zuba yankakkiyar albasa a barshi ya dahu sosai yayi kauri.
Sai a dauko soyayyar kazar a zuba wannan hadin akai a jujjuya koina ya samu sai a juye a mazubi
Daga nan a Dora tukunya akan Wuta a zuba ragowar ruwan Tafashen Idan baida yawa a Dan kara ruwa sai a zuba jajjagen attaruhu da albasa, yankakken karas da mulmulallen wake, a rufe ya dahu.
Idan sun dahu sai a kara magi, a saka ragowar kori da spices a zuba mai daidai misali sannan a kawo kazar da ba a dafa ba a zuba a zuba yankakken lawashi, sannan a juya a rufe ta turaru
za aga ta farfashe sannan a kwashe.
