Dubulan

A sami flour mai kyau a zuba a roba sai a zuba baking powder kadan a gauraya sannan a zuba ruwa kadan kwaba da tauri sosai Sai a sami rolling pin da chopping board a yanko flour din da aka kwaba a fadada ta sosai idan an gama sai a fitar da shape yadda akeso

Sai a dora mai a wuta idan yayi zafi sai a na tsomawa a mai ana soyawa har ya soyu sannan a kwashe

Sai a dora ruwa kadan a tukunya tare da sugar a dafashi ya dahu sai a dan soma kauri sai a sauke a matsa lemon tsami a ciki a gauraya sai a dauko soyayyan dubulan din a saka a ruwan sugar din sai a dauke shi sannan a aje a mazubi