Custard Trifle

Milk ko sugar daal kar boil kar lain.

Boiling milk main custard powder pani main ghol kar mix krain. Chumch hilatay jana hay warna guthli bun jaey gi.

Ab 3 cup pani boil kar lain.

Do bowl main red and green jelly powder dalain. Aur halh pani aik bowl main half dusray main daal kar jelly ko mix kar kay thunda honay dain.

Dish main cake ko set krain. Maira thora extra tha me nay charon side pay aik aik piece set bhi kar dia.

Ab garam garam custard dish main dalain. One third quantity.

Custard ko thunda honay dain aur aik jelly ko layer ki tra spread kar dain. Aur thundi honay dain. Thundi na ki to next layer custard mix ho jaey ga.

Jelly thundi ho kar set ho jaey to baki custard ki half quantity spread kar dain.

Ab dusri jelly dal dain aur thunda honay dain.

Ab last layer main baki ka sara custard spread kar dain.

Achi tra thunda ho to cream ki designing kar dain.

Me nay uper cherry decorate ki hain. Aap kuch bhi kar suktay hain. Na bhi krain to chulay ga.