Faten shinkafa

Wanke kayan miyanki gabadata ki markada ki ajiye a gefe

Sami shinkafa mai kyau ki bayar a barzamiki idan an kawo sai ki rairaye ki fitar da garin, sai ki wanke tsakinki tas da ruwa mai kyau

Ki dora tukunya a wuta tare da mai isasshe idan yayi zafi sai ki zuba markadan ki kidan soya sama sama sannan ki kara ruwa ki rufe har sai ya tafasa

Zaki zuba su Maggi, salt, curry, thyme, da garlic powder sannan ki kawo wankakken tsakinki ki zuba a cikin tukunyar ki gauraya

Sai ki rage wuta kina dubawa idan ya kusa dahuwa sai ki zuba alayyahunki wanda tuni kin gyara shi kin aje a gefe,sai ki barshi ya karasa sannan ki sauke