Hari mirch ko dhokar ponch len aur beech mein se cheera laga den, sare beej nikal den
Ek bade pyale mein besan, namak, ajwain, heeng, lal mirch aur pisi huyi palak dalen
Ab un sabhi ko achche se mila len
Ab thoda sa pani dalkar ghol bana len
Rang thoda halka aya hai isliye thodi palak aur dalen
Aur achche se mila len, ghol patla nahi hona chahiye, thoda mota hi rehna chahiye
Ab taiyar noodles ko ek pyale mein len
Ek mirch len aur usme noodles bharen
Noodles ko khoob achchi tarah dabate huye bharen
Isi tarah dono mirch ko noodles se bhar len
Ab bhari huyi mirch ko besan ke ghol mein dalen aur achche se lapet len
Ek kadai mein talne ke liye tel garam karen, pehle tez aanch par karen fir aanch ko madhyam kar den, besan se lipti huyi mirch ko garam tel mein dheere se dalen
Aur ulatte palatte huye halki bhuri hone tak tale
Jab mirch ke pakode achche se sik jayen tab achche se tel nitharkar unko ek kagaz par nikal len
Fur unko tukdon mein kaat len
Aur ek sunder si tashtari mein garma garam parosen
In pakodon ko hari chutney aur tamatar ki sauce ke sath prosen
