Aata aur salt mix karen phir pani dalen thora thora
Oil ya Ghee add karen aur mix karen fingers se aur soft dough ban jae to kapray se dhak dein 20 mins ke leye
Dobara gondhen hahto pe pani laga kay achi tarhae, is tarha karnay se aata bht silky smooth ho jata hay aur zaida mehnat nahi karni parti. Ab kisi box mein cover kar kay rakh dein fridge mein
Jab roti banani ho thori der phelay nikal lein
Pera bana lein, is ko anghotay se corners flat kar lein aur khushki pe rakhen aur mazeed flat karen
Tawa bhi sath rakhen garam karnay takay job roti dalen to foran paknay lagay, kabhi thanday tawe pe na dalen.
Belan se is ko halkay hath se roll karen corners se bhi, hamare ghar patli roti banti hay.
Jab achi tarha ban jae to hat se utha kay garam tawe pe dalen, kuch der mein bubbles bane ge to palat dein zaida na sekhen, phir zara se paknay lagay to kapray se ghuma dein aur tawa hata ke flame pe sekhen to phol jae ge, dono sides se senkh lein
Agar tawe pe sekhna hay to aap mota kapra le ke Prees karen from all sides, mera ye gas stove nahi to mein tawe pe sekhte hun
Roti jese paknay utar ke kapray mein cover karen.
