Vegetables ko kaat kar salad bana lain. Vegetables pahlay achi tra dho lain.
Hari mirch aur dhuniya ko bareek pees lain. Dahi main pisa hua dhuniya mirchi add krain. Salt aur pepper add krain. Raita ready.
Khameeri roti kay leay aik din pahlay aata gundha rukha hona chaheay. Aaj kul garmi hay 36 ghantay main aata fridge main bhi khameer ho jata hay.
Roti ko hulka ghee lagana hay. Ghar ki khameeri roti sukhi achi nae lagti.
Daal kay leay onion ko oil main brown kar lain.
Tomato bareek kaat kar dalain aur ginger garlic paste bhi daal dain. Pani ka chita zrur laga lain. Salt chilli aur coriander powder add kar kay masala bhoon lain.
Jub masala bhon lain to aik cup pani add krain aur daal jo dho kar bhigoe hue thi wo daal dain. 6 say 7 minutes ka pressure day dain.
Dum pay hari mirch daal dain. Serve krtay waqt thora onion aur dhuniya kaat kar garnishing kar dain. Aur butter ka turka laga dain.
