Balaee ya malaee jo bhi kah lain, dus pundra din say store ki hue ko aik baray burtan main daal kar beat krain. Itna beat krain ke wo thick ho jaey. Max 6_7 minutes.
Beat krtay huay thick honay kay baad cream apna pani chorna start kar day gi.
Jub cream say pani nikalna start ho to 2 glass thunday pani kay add kar dain.
Sara mukhan pani say alug ho jaey ga, aaram say nikal lain. Zara ruk jaen ab yea pani zaya nahi krna.
Iss mukhan niklay dudh ko aag pay rukhain. Jub boil aanay lagay to 1 lemon ka rus daal dain ya aik Tbsp vinegar. Dudh ab pani bun jaey ga aur paneer alug ho jaey ga.chaan lain aur nachor lain. Yea kubhi bhi kaam a sukta hay.
Jo pani nikla hay usay aata gundhnay main use krain. Roti bht soft bunti hay :)
Ab maithi ko kaat kar dho lain aur aik cup pani kay sath grind kar lain. Maithi wala green pani bun jaey ga.
Ab aatay main namak mirch etc daal dain.
Ab thora thora pani dal kar (maithi wala) aata gundh lain, mujh say zeada pani dul gea, aata putla ho gea.isleay aur aata dalna par gea. Aatay ka colour green aana chaheay. Maira nahi a suka kyun ke aata zeada dalna para.
Ab normal roti ki tra roti paka lain. Sukhi ya ghee wali jo dil chahay.
