Faten tsakin shinkafa

Da farko ki gyara namanki da kashi ki wanke ki zuba a tukunya sai ki yanka masa albasa ki zuba dan citta da tafarnuwa da maggi da gishiri ki barshi ya dahu.

Ki gyara ganyayyakin ki ki wanke tas ki tsane sai ki wanke tsakin ki shima ki tsane.

Idan namanki ya dahu sai ki zuba manja akai da kayan miya ki tsaida ruwa daidai yadda kikeson fatenki sai ki zuba kayan kamshi da daddawa da dandano ki barshi ya tafaso.

Idan ya tafaso ya dan dahu sai ki zuba tsakin ki ki juya ki rage wutan kina juyawa akai akai kar ya kama idan yafara kauri sai ki zuba yakuwa da lawashi ki juya ki barshi yadan sulala sai ki zuba alaiyahunki a karshe bayan yayi laushi sai ki bashi kamar minti biyar.sai ki sauke shikenan fate ya kamma.