Ga dukkan kayan da za ayi amfani da zu nan.
A sami roba me tsafta a zuba zobo a ciki sannan a zuba ruwa a girgijeshi sai a dunga tsanewa ana zubawa a tukunya me tsafta, amfanin yin hakan sabida tsakuwa ko kasa su fita. Idan an gama sai a zuba ruwa daidai misali.
A zuba kanumfari, masoro, kirfa, cardamom, danyar citta a gogata da manyan gida a zuba. Sannan a wanke na'a na'a a zuba akai sai a kara ruwa ya hau kan zobon sannan a Dora akan wuta a jefa yar kansa aciki sabida tsamin ya ragu a barshi yayi ta dahuwa Idan ya dahuwa sai a sauke.
A feraye bayan beetroot a yayyankashi kanana, a raba inibi 2 a cire kwallan sai a hada su guri daya a markada. Idan sun markadu sai a tace.
A wanke cucumber ma a yayyankashi kanana itama a markada ta, sai a tace a ajiye a gefe
A samu babban Abu a tace zobon sai a kara ruwa a zuba ruwan beetroot da inibi hade da ruwan Cucumber a juya da majuyin katako sabida Kar yayi karni. A zuba sukari a juya sosai sannana a saka flavour Idan ana bukata a juya har sai yayi yanda ake so. A jefa kankara a ciki ko a saka a fridge yayi sanyi.
A zuzzuba a Kofi sai a saka yankakkiyar gurjin bature jikin kofin a kawo ganyen na'a na'a a sakala a jikin gurijin Baturen, a saka wata a cikin lemon. Sannan na jug din a saka inibi a gefe a kawo ganyen na'a na'a a sa a jiki.
Sannan ayi kwalliya da wasu daga cikin kayan hadin, yanada dadi kuma yana kara lfy
