Zaki fere doyarki ki yankata dogaye, ki wanketa, kisaka gishiri daidai misali, ki dora mai a wuta yayi zafi sai ki zuba doyar har sai ta soyu tayi laushi ki kwashe ta a matsami ki bari mai ya tsane.
Ki yanka albasa, ki jajjaga attaruhu, ki wanke cinyar kaza kisa a tukunya, ki saka sinadarin dandano da kayan kamshi, kisaka ruwa kofi daya ki dafata har tayi laushi, sai ki zuba mai kadan a kasko, ki saka albasa kisa attaruhu kisaka kazar sannan ki kara sinadarin dandano da kayan kamshi, in ya dahu yayi kyau ki sauke,
Ki zuba doyarki a faranti, ki saka sauce dinki na kaza, ki saka ketchup a gefe, aci da zafi
