Source : Ek Bade Pyale Mein Ataa Sooji Namak Aur Ghee Dalen Aur Achche Se Mila Lenab Thoda Thoda Pani Dalte Hute Ek Madhyam Naram Ataa Goonth Len Aur Pandrah M...
PreTime
more Minutes
CookTime
a few Minutes
Yield
Some Servings
Sent by Archana Bhargava
at : March 14, 2026
Step:
Ek bade pyale mein ataa, sooji, namak aur ghee dalen aur achche se mila len
Ab thoda thoda pani dalte hute ek madhyam naram ataa goonth len aur pandrah minute ke liye dhak kar rakh den
Bharawan ke liye hare matar ko adrak aur hari mirch ke sath mixer mein pees len
Ab ek kadai mein tel garam karen aur heeng aur besan dalen aur dheemi aanch par thodi der ke liye bhoon len
Ab isme pise huye matar ka mishran dalen aur dheemi aanch par bhune
Jab tak mishran kadai ke kinare naa chhod den tab tak bhune, fir aanch band kar den
Jab mishran thanda ho jaye tab usme namak, amchur powder aur garam masala dalen aur mila len, bharawan taiyar hai
Aloo ki sabji ke liye, chote aloo ko ek seeti ane tak ubalen
Alooyon ko nikalkar thanda kar len aur chilka utaar len
Ek kadai mein talne ke liye tel garam kar len, pehle tez aanch par karen fir aanch ko madhyam kar den
Ab dheere dheere chile huye aloo garam tel mein dalen aur ulat te palat te huye bhura hone tak seken
Fir tel ko nitharte huye, tel mein se sike huye alooyon ko ek kagaz ke rumal par nikal len
Alloyon ko do baar mein tale taki theek se sik jayen
Sabji banane ke liye, ek katori mein thode pani ke sath kaju, magaz ke beej aur javitri ke phool ko dus minute ke liye bhiga den
Ab ek kadai mein tel garam karen, pehle tez aanch par karen fir aanch ke dheema kar dijiye
Ab is tel mein jeera, laung, dalchini aur heen dalen, thoda tadakne den
Fir usme adarak hari mirch dalen aur ek minute tak bhune
Ab usme haldi powder, lal mirch powder aur dhaniya powder dalen aur mila den
Fir is mishran mein pise huye tamatar dalen aur tel ke bahar aane tak dheemi aanch par bhune
Mixer mein kaju, magaz ke beej aur javitri ko bareek pees len aur tamatar ke mishran mein mila den aur paanch minute tak dheemi aanch par seken
Ab isme tale huye alloyon ko dalen aur achche se masale mein lapet len
Swad anusar namak dalen aur mila len, dus minute tak dheemi aanch par bhune
Ab isme pani dalen aur mila den, dheemi aanch par pandrah minute tak pakne den, ant mein amchur powder aur garam masala dalen aur mila len, fir aanch ko band kar den, sabji taiyar hai
Kachori banane ke liye, goonthe hute aate mein se choti choti loyi bana len,isi tarah matar ke mishran mein se choti.choti goliyan bana len
Ek kadai mein talne ke liye tel garam karen, pehle tez aanch par karen, fir aanch ko madhyam kar den
Aate ki loyi ko thoda belen aur beech mein bharawan ki goli ko rakhen aur charon taraf se achche se band kar den
Ab bhari huyi loyi ko thoda belen, madhyam aakar ki belen
Bhari huyi kachori ko garam tel mein dalen aur ulat te palat te hute maddhyam aanch par bhoora hone tak seken
Tel achche se nitharkar kachori ko ek kagaz ke rumal par nikal len
Isi tarah se baki ki kachoriyon ko bhi bana len, ek baar mein ek ya do kachori ko hi tel mein dalen
Swadisht matar ki kachoriyan aur chatpati chote aloo ki sabji taiyar hain, garma garam parose aur iska mazaa len, sabji ke upar dhanya patta saja den
Ingredients
Ek katori gehoon ka ataa
Adhi katori sooji
Do badi chammach ghee moyan ke liye
Namak swadanusar
Pani awashyaktanusar
Bharawan ke liye
Ek katori taze hare matar
Do hari mirch
Do badi chammach kati huyi adrak
Ek chauthai choti chammach heeng
Do badi chammach besan
Do badi chammach tel
Namak swadanusar
Talne ke liye tel
Chote aloo ki sabji ke liye
Adhai so gram chote aloo
Teen tamatar pise huye
Do badi chammach bareek kati huyi adrak hari mirch
Ek javitri ke phool
Chhe kaju
Ek badi chammach magaz ke beej
Ek choti chammach jeera
Do laung
Ek chota tukda dalchini ka
Ek chauthai choti chammach heeng
Ek chauthai choti chammach haldi powder
Ek choti chammach lal mirch powder
Do choti chammach dhaniya powder
Ek chauthai choti chammach amchur powder
1/4 tsp गरम मसाला
Namak swadanusar
Adhi katori pani
Related Recipes
Atta Sooji Samosa
Matar ke bhature
Makke Ki Roti Sarson Ka Saag With Baigan Ki Bharta