Da farko ki dora tukunya akan wuta sai ki dibi chokali uku cikin sikarin ki zuba ki dibi ruwa chokali 3 cikin ruwan da kika tanada ki zuba akan sikarin,ki barshi ya narke idan ya narke ya dan yi ja sai ki zuba sauran ruwan da sikarin ki juya a hankali.
Sai ki zuba ruwan lemun tsamin ki juya ki rage wutan kina juyawa a hankali akai akai har ruwan sikarin ya dan ragu ya fara danko sai ki zuba flebo ki juya ki kashe wutan ki barshi ya dan sha iska kadan.Dama kin nada kwarkwaronki da parchment paper kin like shi da selotape sai ki samu roba meh fadi ki zuba shinkafa danya a ciki ki soka kwarkwaron ciki yanda zeh rike shi sai ki zuba hadin sikarin a ciki a hankali da chokali idan ya dan fara kamewa seh ki soka tsinken straw da kika yayanka.
Seh ki aje shi har ya kame shikenan seh sha
