Sab se pehly payaz ko oil mein halka fry kar ke nikal lain.
Ab payaz ko garam hi dahi mein daal kar ache se bland kar lain.
Ab tamatar, Adrak, sabaz mirch, namak, laal mirch, haldi aur pani daal kar ache se bland kar lain aur paste bana lain.
Phir chicken ko 5 minutes ke liye fry kar lain.
Halka fry ho jae to is mein daar chinni, Choti Elaichi aur badi Elaichi daal kar 2 se 3 minutes bhon lain.
Phir tamatar ka tayar kiya howa mixture daal kar chicken galne taq paka lain aur pani khushak kar lain.
Pani khushak ho jae to dahi aur payaz ka mixture daal kar 5 minutes teez anch per paka lain. (iski grevi tayar karni hai. Khushak nahi karna)
Mazedaar dahi wala degi qorma tayar hai.
