Source : Sabse Pehle Mote Chawal Urad Dal Aur Piliwali Moong Dal Ko Alag Alag Acchi Tarah Se Dhokar Alag Alag Chalni Mein Nikal Le Aur Jab Pani Puri Tarah Se Ni...
PreTime
more Minutes
CookTime
a few Minutes
Yield
Some Servings
Sent by Jagruti Manish (Dalwadi) Shah
at : August 7, 2026
Step:
Sabse pehle mote chawal, urad dal aur piliwali moong dal ko alag alag acchi tarah se dhokar alag alag chalni mein nikal le aur jab pani puri tarah se nikal jaye tab acchi tarah se sukha le. Jab sab acchi tarah se sukh jaye, tab mote chawal, chana dal, urad dal aur piliwali moong dal ko, gas par madhyam se dhimi aanch par acchi tarah se golden brown colour ki hone tak alag alag sek le. Dhyan rakhe ki sab jale nahi. Isi tarah se jeera, dhania aur meethi dana bhi alag alag sek le.
Ab seki hui sabhi samagri ko acchi tarah se mila le aur puri tarah se thanda hone de. Jab sab thanda ho jay tab puri samagri ko pis kar aata bana le. Chakli ke liye bhajni taiyar hai. Is bhajni ko aap airtight container mein 5 se 6 mahine tak bharkar rakh sakte hai aur jab chahe tab asani se chakli bana sakte hai.
Chakli banane ke liye, ek bade thali ya parat mein bhajni flour/aata le. Ab flour mein lal mirch powder, haldi powder, namak, til, adarak hari mirch ki paste, khatta dahi aur shakkar dalkar mila le. Garam tel dale aur sab mila le. Jarurat ke anusar garam pani dalkar thoda sakht aur mulayam aata gunth le.
Ab chakli ke sanche ko tel laga kar, ek plastic ke sheet par gol gol chakli bana le. Ek kadhai mein tel garam kare aur banai hui sabhi chakli ko dhimi se madhyam aanch par golden brown colour ki hone tak acchi se tal kar, paper napkin par nikal kar rakh de.
Jab sabhi chakli acchi tarah se thandi ho jaye tab ek airtight container mein rakh de aur jab mann chahe tab garmagaram masale wali Chai ke saath ya sirf chakli ka maza le.
Ingredients
Bhajni ke liye samagri :
1 kilo Mote Chawal
150 gram Chana Dal
50 gm Urad Dal
50 grams Piliwali Moong Dal
3-4 bade chamach Jeera
3-4 bade chamach Dhania
1 chota chamach Meethi Dana
Chakli ke liye samagri :
2 katori Bhajni
2 chote chammach Lal Mirch Powder
1.5 chote chammach Haldi Powder
Swadanusar Namak
3-4 bade chammach Til
1.5 choti chammach Adarak Hari Mirch ki paste
1/2 katori Khatta Dahi
2 choti chammach Shakkar
3 bade chammach Garam Tel
as needed Garam Pani
as needed Talne ke liye Tel
Related Recipes
Choco Chips Cookies Without Oven
Jaggery sharbat
Rasam south indian
Pizza Without Oven
3 Types of Naan - Plain/Butter Naan Garlic Butter Naan and Stuffed Cheesy Garlic Naan